Haradinaj ngushëllon vdekjen e ish-Presidentit të Francës
26.9.2019 - 13:45
Kryeministri në largim i Kosovës, Ramush Haradinaj ka ngushëlluar për vdekjen e ish-Presidentit francez Jacques Chirac.
Ai tha se Kosova do ta kujtojë gjithmonë Presidentin Chirac për mbështetjen e fuqishme për të ndaluar gjenocidin në vitin 1999, si dhe për intervenimin e NATO-s
Ish-Presidenti i Francës, Jacques Chirac, ka vdekur sot në moshën 86 vjeçare.
Lajmin për vdekjen e tij e konfirmoi dhëndri i tij.
Chirac ka shërbyer për dy mandate si President i Francës, në vitet 1995-2007, në kohën kur Franca iu bashkua valutës së përbashkët europiane Euro si dhe në kohën kur NATO, pjesë e së cilës është edhe Franca, ndërmori fushatën ajrore të bombardimeve ndaj Serbisë e cila rezultoi me çlirimin e Kosovës në qershor të vitit 1999.