Panairi i librit të vjetër, të rrallë dhe të përdorur. Foto: Isa Vatovci

Hapet panairi i parë i librit të vjetër dhe të rrallë

Qindra botime të vjetra dhe të rrallë janë ekspozuar sot nga botues dhe librarë kosovarë para hyrjes së Institutit Albanologjik të Prishtinës, në kudër të “Panairit të librit të vjetër, të rrallë dhe të përdorur”.

Panairi do të qëndrojë i hapur deri të dielën, më 27 shtator, dhe përveç ekspozimit të librave gjatë ditëve të këtij panairi do të ketë edhe aktivitete tjera, si mbrëmje poetike, takime letrave, ekspozim librash të vjetër, etj.

Berat Dakaj, koordinator i këtij panairi, ka thënë për KALLXO.com se gjatë tri ditëve sa do të zgjas ky panair, përveç se do të ekspozohen mbi 700 libra të vjetër dhe të rrallë e të përdorur, do të ketë edhe aktivitete me personalitete letrare.

“Libri më i vjetër që sot u ekspozua ishte 101 vjeç, por botimet e ekspozuara kryesisht janë të botuara gjatë viteve të 60-70 të shekullit të kaluar. Qëllimi i këtij panairi është vetëdijesimi për rëndësinë që ka libri i vjetër dhe i rrallë për trashëgiminë tonë”, ka thënë Dakaj.

Në kuadër të këtij panairi, është hapur edhe ekspozita e Agjencisë së Arkivave të Kosovës, “Kosova në arkivin e shtetit shqiptar”.

Panairi i librit të vjetër, të rrallë dhe të përdorur. Foto: Isa Vatovci
Panairi i librit të vjetër, të rrallë dhe të përdorur. Foto: Isa Vatovci
Panairi i librit të vjetër, të rrallë dhe të përdorur. Foto: Isa Vatovci