Hapët mundësia për subvencionimin e kredive
09.10.2021 - 14:47
Ministri i Financave, Punës dhe Transferëve, Hekuran Murati njoftoi se është hapur mundësia për subvencionimin e kredive personale apo konsumuese. Këtë, sipas tij, mund ta bëni duke hyrë në portalin shtetëror “eKosova”.
Ky është njoftimi i plotë:
Formulari i aplikimit për subvencionim të kredive personale/konsumuese tani është i hapur në eKosova.
Pasi të keni marrë kredinë në njërin nga institucionet financiare të licencuara në vend, duhet të shkoni në portalin eKosova për të plotësuar formularin e aplikimit. Formularin e gjeni duke ndjekur hapat si në fotot e bashkangjitura.
Me rëndësi: llogaria bankare ku paguhet subvencionimi duhet të jetë në emër të aplikuesit, përndryshe nuk mund të bëhet transferi.