Hapet konkursi për pranimin e ushtarëve të rinj në FSK
07.8.2020 - 10:05
Ministria e Mbrotjes ka hapur konkurs për pranimin e rekrutëve-ushtarëvë të rinj aktivë në Forcën e Sigurisë së Kosovës.
Ky konkurs sipas njoftimit do të jetë i hapur prej datës 10 gusht deri më 21 gusht, nga ora 9 e mëngjesit deri në 15:00.
Njoftimi i plotë:
Ministria e Mbrojtjes e Republikës së Kosovës shpall, konkurs për pranimin e rekrutëve të rinj – ushtarë aktivë në Forcën e Sigurisë së Kosovës.
Konkursi do të jetë i hapur prej datës 10 deri më 21 gusht 2020.
Formularët për aplikim mund të shkarkohen në ueb-faqen e Ministrisë së Mbrojtjes.
Dokumentet duhet të dorëzohen personalisht në të gjitha kazermat e FSK-së, çdo ditë pune nga ora 09:00-15:00.