Posta e Kosovës në veri Foto: Arbnora Pllana/ KALLXO.com
Hapet dega e Postës së Kosovës në Mitrovicë të Veriut
Në sheshin ‘Car Llazar’ në Mitrovicë të Veriut është hapur sot më 29.08.2024 dega e Postës së Kosovës.
Ekipi i KALLXO.com ka sjell fotografi nga vendi i ngjarjes.
Në momentin e hapjes së Postës, të pranishëm ishin dhe Policia e Kosovës, të cilët u ballafaquan me një grup të vogël të protestuesve.
Shefi i Operatives Rajonale për Mitrovicën e Veriut, Petrit Fejza, tha KALLXO.com se hapja e Degës së Postës së Kosovës në pjesën Veriore, është përcjellë me një protestë nga një grup prej 5 persona.
Fejza ka thënë se e gjitha ka përfunduar pa asnjë incident ndërsa protestuesit janë larguar.
Ky lokal gjendet afër me lokalin “Missini Sweets” që po ashtu pritet të hapet së shpejti.
Hapja e Postës së Kosovës në veri | Foto: Arbnora Pllana/ KALLXO.com
