HANDIKOS shpërndan 73 tabletë për fëmijët me aftësi të kufizuara në gjithë Kosovën

HANDIKOS ka njoftuar se gjatë ditës së sotme ka përfunduar shpërndarjen e 73 pajisjeve teknologjike, tabletë për fëmijët me aftësi të kufizuara në 15 komuna të Kosovës, me qëllim të lehtësimit të ndjekjes online të aktiviteteve shkollore në përgjithësi.

Sipas njoftimit të HANDIKOS,bashkërisht me tabletë, fëmijëve përfitues u ka dhuruar edhe çanta me materiale shkollore dhe higjienike, përfshirë maska mbrojtëse dhe dezinfektues.

“Ky intervenim u mundësua në kuadër të projektit ‘’Avancimi i situatës së fëmijëve me aftësi të kufizuara në Kosovë’’, i mbështetur nga Zyra e UNICEF-it në Kosovë dhe me financim të Ambasadës së Britanisë së Madhe në Kosovë”, thuhet në njoftimin e HANDIKOS.