Foto-ilustrim - Foto: KALLXO.com
Han i Elezit, vëllai sulmon me shkop vëllanë
08.11.2020 - 10:47
Një incident të cilin Policia po e trajton si dhunë familjare ka ndodhur dje rreth orës 15 :00 në Han të Elezit.
Sipas Policisë, derisa viktima po e përgatiste në oborrin e tij vendin për ta filluar një shtëpi të re për ndërtim, aty kishte shkuar vëllai i tij, i cili me një shkop të drurit e kishte sulmuar atë.
Nuk raportohet për të lënduar.
Motivi i incidentit dyshohet të jetë kontesti pronësor ndërmjet palëve.
I dyshuari është arrestuar dhe pas intervistimit me urdhër të prokurorit dërgohet në mbajtje.