Hajnat hynë në shtëpi dhe vjedhin një kombi në Peqan të Suharekës
15.10.2022 - 21:35
Persona të panjohur dyshohen të kenë vjedhur një kombi në fshatin Peqan të Komunës së Suharekës.
Lajmin për KALLXO.com e ka konfirmuar zëdhënësi i Policisë së Kosovës në Prizren, Shaqir Bytyqi.
Bytyqi ka thënë se rasti ka ndodhur në orët e para të mëngjesit dhe se kombi ka qenë i parkuar nga pronari në garazhin e shtëpisë së tij.
“Sipas deklaratës dhe provave nga vendi i ngjarjes, me datë 15.10. 2022, rreth orës 02:17, nga persona të dyshuar dhe të panjohur, është vjedhur një kombi T4. Kombi nga pronari ishte parkuar në garazh në shtëpinë e tij, në fshatin Peqan të Suharekës” – ka konfituar Bytyqi për KALLXO.com.
Më tej, Bytyqi thotë se në automjet, ka pasur mjete pune.
Policia e Stacionit Policor Suharekë janë duke u hetuar rastin.