Graçanica (Ilustrim)
Graçanicë, të dyshuarit me kallashnikov prezantohen si policë
16.1.2021 - 12:42
Një qytetar ka raportuar në Policinë e Kosovës se deri sa ishte duke u kthyer në shtëpi, nga një veturë me targa vendore, me dritë rrotative, ka dalë një person i cili është prezantuar si polic dhe i ka kërkuar dokumentet.
Sipas policisë, më pas viktima e ka njohur njërin nga dy të dyshuarit i cili në dorë kishte një kallashnikov.
Rasti ka ndodhur në fshatin Çagllavicë të Graçanicës, dje rreth orës 17:50.
Në lidhje me rastin është njoftuar prokurori i shtetit.
Policia rastin e ka cilësuar si prezantim i rrejshëm.