Ilustrim
Grabitje nën kërcënimin e armëve në Postën në Breg të Diellit
06.1.2022 - 20:38
Një tjetër grabitje e armatosur ka ndodhur sonte në Prishtinë.
Raportohet se grabitja ka ndodhur në objektin e PTK-së, në lagjen Bregu i Diellit.
Rasti është konfirmuar edhe nga Policia e Kosovës.
“Rreth orës 19:00 është raportuar për një grabitje të ndodhur në objektin e PTK-së, në lagjen Bregu i Diellit, në Prishtinë”, thonë nga Policia e Kosovës.
Po ashtu është bërë e ditur se pas marrjes së informacionit Policia ka dalë në vendngjarje dhe bazuar në informacionet e para dyshohet që grabitja të jetë kryer nën kërcënimin e armës nga dy persona të dyshuar.
Lidhur më këtë rast Policia ka iniciuar një hetim dhe ka nisur me ndërmarrjen e veprimeve të nevojshme policore me qëllim zbardhjen e rrethanave të rastit.