Grabitje nën kërcënim

Një grua nga Prishtina ka raportuar në Policinë e Kosovës se një person i panjohur, deri sa ka qenë në punë, nën kërcënim i ka grabitur 250-300 euro.

Ngjarja ka ndodhur në rrugën Fahri Fazliu, dje rreth orës 22:00.

Policia ka njoftuar se njësitë relevante policore kanë dal në vendin e ngjarjes dhe se në lidhje më këtë rast është konsultuar prokurori i shtetit.

Tutje në raport potencohet se rasti po vazhdon të hetohet.