Grabitet me thikë e revole banka në Prishtinë
23.6.2020 - 09:57
Një bankë në Prishtinë dje ishte cak i disa grabitësve
Sipas njoftimit të policisë, rasti ka ndodhur dje rreth orës 16:40, në rrugën “Agim Ramadani”, në Prishtinë.
Sipas raportimit, një punëtore e bankës ka raportuar në polici se dy persona të armatosur, njëri me thikë e tjetri me revole i kanë grabitur para dhe kanë ikur në drejtim të panjohur.
Nuk raportohet për ndonjë person të lënduar, ndërsa në vendin e ngjarjes kanë dalë njësitet përkatëse policore.