Goditet nga vetura, ndërron jetë këmbësorja
20.9.2021 - 13:42
Një aksident rrugor ka përfunduar me fatalitet në rrugën Brigada 125 në Prizren mbrëmjen e së dielës.
Policia e Kosovës njofton se është arrestuar ngasësi i veturës i cili shkaktoi aksidentin duke goditur një grua këmbësore nga pakujdesia.
Viktima ishte dërguar në Spitalin Rajonal në Prizren ku më pas ka ndërruar jetë. Vdekja e saj është konstatuar nga ekipi mjekësor, ndërsa me vendim të Prokurorit, siç njofton Policia, trupi i saj do të dërgohet në Institutin e Mjekësisë Ligjore për obduksion.
I dyshuari është dërguar në mbajtje dhe rasti vazhdon të jetë nën hetime.