Goditet këmbësorja nga një automjet në Mazgit
20.1.2021 - 18:34
Një aksident trafiku ka ndodhur para një ore në rrugën nacionale Prishtinë – Mitrovicë, saktësisht në fshatin Mazgit.
Një këmbësore është goditur nga një automjet.
Rastin e ka konfirmuar për KALLXO.com zëdhënësi i Policisë për rajonin e Prishtinës, Agron Borovci.
Zyrtari policor ka njoftuar se këmbësorja ka pësuar lëndime të rënda trupore.
“Si pasojë e aksidentit këmbësorja ka pësuar lëndime të rënda trupore dhe e njëjta është dërguar për trajtim mjekësor. Ngasësi i automjetit është shoqëruar në stacion policor ndërkohë që me rastin po merren hetuesit e njësitit rajonal të komunikacionit rrugor”, ka thënë Borovci.