Gjykata vendosi për hetuesit e arrestuar të Policisë
30 ditë paraburgim është vendosur masa ndaj dy hetuesve policor dhe një rreshteri të Departamentit të për Hetimin e Krimeve Ekonomike dhe Korrupsionit.
Lajmin e ka bërë të ditur për KALLXO.com avokati i hetuesit Lutfi Menxhiqi, Skender Musa.
“Po është marrë vendimi. 30 ditë paraburgim”, tha shkurt avokati për KALLXO.com.
Gjatë ditë së sotme hetuesit policor Lavdim Osmani dhe Lutfi Menxhiqi si dhe një rreshter tjetër i Departamentit të Hetimit për Krimin e Organizuar dhe Korrupsionit në Policinë e Kosovës kanë dalë para gjykatës për shkak të veprave penale keqpërdorim i detyrës zyrtare, marrje ryshfeti e armë mbajtje pa leje.
Hetuesit policor dhe rreshteri janë sjellë në Gjykatën Themelore të Prishtinës në pranga nga hetuesit e Inspektoratit Policor të Kosovës.
Hetuesi Lavdim Osmani, Lutfi Menxhiqi dhe një rreshter i Krimeve Ekonomike do të përballen me sistemin e drejtësisë për shkak të veprave penale, keqpërdorim i detyrë zyrtare, marrje ryshfeti.
KALLXO.com raportoi vazhdimisht në lidhje me këto arrestime të cila i kreu Inspektorati i Policisë së Kosovës.
I njëjti është familjar i drejtuesit të Departamentit për Hetimin e Krimeve Ekonomike dhe Korrupsionit, Bashkim Spahiut.
Një Kryeinspektor në Agjencinë e Regjistrit Civil në MPB është arrestuar gjithashtu gjatë ditës së djeshme, një rreshter në Departamentin e Krimeve Ekonomike dhe Korrupsionit si dhe një afarist nga Kaçaniku.