Gjuajti me armë zjarri, arrestohet një person në Suharekë

Një person është arrestuar nga Policia e Kosovës në fshatin Sopije të Suharekës, pasi dyshohet se ka gjuajtur me armë zjarri.

Sipas njoftimit, Policia kishte marrë informata se me datë 10.08.2024 ka pasur të shtëna me armë zjarri në fshatin Sopije.

Pasi që ka lokalizuar vendin e ngjarjes, Policia ka identifikuar të dyshuarin me inicialet F.R., viti i lindjes 1974.

Gjatë kontrollit tek i dyshuari është gjetur dhe konfiskuar një armë pistoletë e llojit HS-9 SUB Compact e kalibrit 9x19mm, një karikator dhe pesë gëzhoja.

Në lidhje me rastin është njoftuar prokurori i shtetit i cili rastin e ka cilësuar ‘’Shkaktim i rrezikut te përgjithshëm’’ dhe ndaj të dyshuarit ka lëshuar masën e ndalimit për 48 orë.