Gjobitet për parkim ilegal dhe i konfiskohet vetura një qytetari në Ferizaj
19.7.2021 - 16:21
Policia në Ferizaj ka gjobitur dhe ia ka konfiskuar automjetin qytetarit që ka shkaktuar kundërvajtje në komunikacion, duke parkuar veturën në mënyrë të parregullt në vendkalim të këmbësorëve, në qytetin e Ferizajt.
“Policia, e ftoi qytetarin S.B 43 vjeçar, në stacionin policor të Ferizajt dhe ai në tërësi e pranoi kundërvajtjen e shkaktuar dhe për këtë mori gjobë, sipas ligjit të komunikacionit rrugor. Me këtë rast, përveç gjobës, atij iu konfiskua edhe automjeti”, thuhet në një komunikatë për media nga Drejtoria Rajonale e Policisë në Ferizaj.
Informata për këtë rast është siguruar nga një fotografi e dërguar nga qytetarët në adresën e Policisë.