Foto: KALLXO.com
Gjilan, rrëzohet nga shtylla elektrike, dërgohet në QKUK
11.7.2021 - 08:58
Policia ka njoftuar se ka arrestuar një person, i cili e kishte ftuar një person t’i kryente disa punë elektrike.
Ky i fundit gjatë tentimit për t’i kryer punët është rrëzuar nga një shtyllë elektrike me ç’rast ka pësuar lëndime trupore.
Viktimës fillimisht i është ofruar tretman mjekësor në Spitalin e Gjilanit e më pas është dërguar në QKUK, Prishtinë për tretman të mëtutjeshëm mjekësor.
Në lidhje me rastin është konsultuar prokurori i shtetit me vendim të të cilit i dyshuari është dërguar në mbajtje.
Rasti, i cili po trajtohet si shkaktim i rrezikut të përgjithshëm ka ndodhur dje rreth orës 9:00 në Gjilan.