Gjilan, ndërtimet pa leje të bëra gjatë kohës së pandemisë do të rrënohen

Të gjitha ndërtimet pa leje të kryera gjatë kohës së pandemisë në Gjilan, Komuna  ka vendosur të i rrënojë.

Me anë të një njoftimi komuna ka shpjeguar se ndërtimet në Gjilan do të rrënohen.

“Komuna e Gjilanit ka ndëprerë sot objektin e radhës, i cili është ndërtuar pa leje, gjatë periudhës që po zbatohen masat kundër Covid-19. Kryetari i Komunës, Lutfi Haziri, ka njoftuar se nuk do të ketë tolerancë për ata që tentojnë të ndërtojnë, duke e shfrytëzuar kohën e pandemisë”, thuhet në njoftimin e Komunës së Gjilanit.

Gjithashtu në njoftim thuhet edhe se kanë identifikuar ndërtimet pa leje që janë bërë brenda një muaji.

“Ne i kemi identifikuar dhe ndërprerë ndërtimet pa leje që janë bërë brenda një muaji. Rasti i fundit i ndërprerjes së punimeve për një objekt, i cili duket se është destinuar për motel, në këtë kohë kur ne po përballemi me masat kundër pandemisë, është shembulli më i keq”, ka thënë Haziri.

Gjithashtu kryetari Haziri ka bërë apel që të mos shfrytëzohet pandemia për aktivitete ilegale.