Gjilan, godet me veturë zyrtarin policor dhe ikë nga vendi i ngjarjes

Policia e Kosovës ka bërë të ditur se dje me 10.08.2024 në Gjilan një zyrtar policor ka raportuar se derisa ishte duke lëvizur me biçikletë, kishte hasur në një veturë me targa të huaja duke hyrë në një rrugë e cila e kishte të ndaluar kyçjen me shenjë komunikacioni.

Sipas Policisë, ndaj vozitësit të veturës polici ju është prezantuar si person zyrtar dhe i ka tërhequr vërejtjen, por i dyshuari me veturë e ka goditur zyrtarin policor me gjithë biçikletë dhe ka ikur nga vendi i ngjarjes.

Si pasojë e goditjes, zyrtari policor ka pësuar lëndime dhe ka pranuar tretman mjekësor.

Lidhur me rastin është informuar prokurori dhe rasti vazhdon të hetohet.