Gjilan, arrestohet për organizim të lojërave të fatit

Një person është arrestuar nën dyshimin se ka organizuar në mënyrë të paligjshme lojëra të fatit.

Ngjarja ka ndodhur në Gjilan më 5 nëntor.

Sipas raportit të Policisë, gjatë kontrollit në lokalin e të dyshuarit janë sekuestruar si prova materiale dy laptopë dhe një printer.

I dyshuari është intervistuar dhe me vendim të prokurorit është dërguar në mbajtje.