Gjermania i dhuron Kosovës teste të COVID-19
10.7.2020 - 09:07
Ministria e Shëndetësisë e Republikës Federale të Gjermanisë do t’i dhurojë sot Ministrisë së Shëndetësisë së Kosovës, përkatësisht IKSHPK-së RT-PCR teste për diagnozë laboratorike të COVID -19.
Sipas një njoftimi të MSH-së, ky është donacion i Gjermanisë për Kosovën për të ndihmuar në përgjigjen ndaj pandemisë COVID- 19.
“Ceremonia e dorëzimit të testeve mbahet sot (e premte), 10 korrik 2020, duke filluar nga ora 10:30 në IKSHPK-Prishtinë. Pjesëmarrës do të jenë edhe Ministri i Shëndetësisë Armend Zemaj dhe Ambasadori i RF të Gjermanisë në Kosovë, Christian Heldt” thuhet në njoftim.