Nju Jork, SHBA
Gjendja me pandeminë, ShBA heq Kosovën nga lista e vendeve të rrezikshme për udhëtim
14.10.2020 - 15:20
Ministria e Shëndetësisë ka njoftuar se Qeveria e ShBA-së ka hequr Kosovën nga Udhëzuesi i udhëtimeve, në të cilin qytetarët amerikanë këshilloheshin të mos udhëtojnë në Kosovë për të parandaluar përhapjen e COVID-19.
Sipas komunikatës së MSh-së, ShBA ka hequr Kosovën nga Niveli, 4 në të cilin qytetarët amerikanë këshilloheshin të mos udhëtojnë në Kosovë, duke kaluar në Nivelin 3, “për ri-konsiderim të udhëtimit”.
“Kjo, pas përmirësimit të situatës epidemiologjike lidhur me COVID-19 në Kosovë” thuhet në komunikatë.
Ky vendim është publikuar edhe në faqen COVID-19 të Departamentit Amerikan të Shtetit, ku jepen udhëzime për qytetarët amerikanë me rastin e planifikimit të ndonjë udhëtimi jashtë shtetit.