Gjendet pa shenja jete një 52 vjeçar tek penda e Livoqit në Gjilan
Një person rreth 52 vjeç është gjendur pa shenja jete tek penda e fshatit Livoq i Epërm në komunën e Gjilanit.
Rastin për KALLXO.com e ka konfirmuar zëdhënësi i Policisë së Kosovës për rajonin e Gjilanit, Ismet Hashani.
Hashani thotë se sipas të dhënave të para personi është shtetas i Kosovës rreth 52 vjeç.
“Rreth orës 13:31 të datës 24.12.2022 Policia e Kosovës në Gjilan e ka marrë një informatë se një person pa shenja jete gjendet te Penda e fshatit Livoq i Epërm – Gjilan, sipas të dhënave të para personi është shtetas i Kosovës rreth 52 vjeç.”- ka thënë Hashani për KALLXO.com.
Hashani thotë se njësitet policore patrulluese janë ne sigurimin e vendit të ngjarjes por edhe hetimet rajonale dhe prokurori i shtetit kanë dalë në vendin e ngjarjes.
Sipas Hashanit, prokurori i shtetit ka urdhëruar që trupi i pa jetë të dërgohet në Institutin e Mjekësisë Ligjore, përderisa rasti po hetohet si “Vdekje e dyshimtë”.
