Gjendet një mjet i pashpërthyer në Skenderaj

Një burrë nga Skenderaj ka njoftuar policinë, se ka hasur në një mjet të dyshimtë.

Rasti ka ndodhur më 8 qershor, rreth orës 08:15, në rrugën ‘’Emin Lati’’.

Nga Policia e Kosovës raportohet se një patrullë policore ka siguruar vendin e ngjarjes, pas raportimit nga qytetari.

Tutje, në njoftimin e policisë thuhet se në vendngjarje ka dalë Njësia për Deminim e Forcës së Sigurisë së Kosovës, dhe e KFOR-it amerikan, të cilët e kanë tërhequr mjetin në mënyrë të sigurtë.

Rasti është inicuar gjetje e mjetit të pashpërthyer.