Screenshot: Shoqata e Kosovës për Kërkim dhe Shpëtim/Facebook
Gjendet i vdekur personi që ishte raportuar si i zhdukur në Vuçë të Leposaviqit
16.9.2024 - 13:27
Një person është gjetur i vdekur më 16.09.2024, në Leposaviq.
Lajmi është bërë i ditur nga Shoqata e Kosovës për Kërkim dhe Shpëtim përmes një postimi në Facebook.
Sipas Shoqatës, sot ishte dita e pestë e kërkimit të personit nga fshati Vuçë e Leposaviqit.
Kërkimi është bërë në bashkëpunim me pjesëtarët e Policisë së Kosovës, zjarrfikësit dhe bashkëfshatarët.
