Gjendet i vdekur një person në Gjilan, Policia fillon hetimet

Një person është gjetur pa shenja jete në shtëpinë e tij më 04.08.2024 në fshtatin Shillovë të Gjilanit.

Sipas njoftimit, Policia e Kosovës ishte njoftuar nga dëshmitarët se viktima nuk ishte parë të ketë dalë nga shtëpia për rreth tri ditë.

Me vendim të prokurorit, ishte hapur me forcë dera e shtëpisë dhe viktima është gjetur pa shenja jete.

Policia ka bërë të ditur se në vendin e ngjarjes përveç njësive policore kanë dalë prokurori, si dhe ekipi i zjarrfikësve që kanë asistuar për tërheqjen e trupit, pasi ishte dekompozuar.

Me vendim të prokurorit trupi i pajetë është dërguar në Instituin e Mjekësisë Ligjore për obduksion, ndërsa rasti është nën hetime.