Gjendet e vdekur një 57-vjeçare në banesën e saj në Prizren

Një grua e moshës 57-vjeçare është gjetur sot pa shenja jete në banesën e saj.

Lajmin për KALLXO.com e ka konfirmuar zëdhënësi i Policisë së Rajonit të Prizrenit, Vesel Gashi.

“Policia në Prizren rreth orës 13.30 ka marrë informacion se në rrugën “Hajdar Shala” në një banesë gjendet një trup i pajetë, vdekjen e ka konstatuar ekipi mjekësor. Lidhur me rastin njësitet relevante kanë dalë në vendin e ngjarjes, ndërsa nga hetimet e para nuk vërehet se viktima ka shenja dhune. Rasti është duke u hetuar si vdekje e dyshimtë. Trupi i pajetë i viktimës me urdhër të prokurorit është dërguar për obduksion”, ka thënë ai.