Gjenden tri granata dore në Fushë Kosovë, FSK-ja bën tërheqjen e tyre

Tri granata dore janë gjetur më 24.07.2024, në Fushë Kosovë.

Siç raporton Policia, mjetet e dyshuara u gjetën nga një qytetar në venndin ku ai ishte duke punuar.

I njëjti më pas kishte njoftuar Policinë e Kosovës.

Sipas raportit 24-orësh të Policisë në vendin e ngjarjes kanë dalë njësitet përkatëse, ndërsa ekipi për deminim i Forcës së Sigurisë së Kosovës ka tërhequr nga vendi i ngjarjes tri mjetet e dyshuara.

Policia njofton se lidhur me rastin është njoftuar prokurori.