Gjashtë të arrestuar në Prishtinë, policia kap mbi 10 kg marihuanë
17.2.2020 - 12:09
Policia e Kosovës ka njoftuar se dje janë arrestuar gjashtë persona, nën dyshimin se janë marrë me shit-blerje të substancave narkotike.
Sipas njoftimit të Policisë, janë kontrolluar gjashtë vendbanime dhe dy vetura, në të cilën janë gjetur dhe konfiskuar 10 kg e 350 gramë substancë narkotike e llojit mariuhuanë, 16.9 gramë kokainë, një AK-47 me dy karikatorë, dy pistoleta, 660 euro para të gatshme dhe dy vetura.
Me vendim të prokurorit, të dyshuarit janë dërguar në mbajtje.
Ngjarja ka ndodhur dje rreth orës 19:00 në Prishtinë.