Ilustrim
Gjakovë, burri e rrahë bashkëshorten e tij
16.1.2021 - 12:53
Një rast i dhunës në familje është raportuar në Gjakovë dje pasdite.
Sipas Policisë së Kosovës, është arrestuar i dyshuari pasi që i njëjti e kishte sulmuar fizikisht bashkëshorten e tij.
Viktimës i është ofruar tretman mjekësor.
PK-ja bën të ditur se në lidhje me rastin është njoftuar mbrojtësi i viktimave dhe viktimës i është ofruar strehim, por e njëjta ka refuzuar të strehohet dhe ka shkuar tek prindërit e saj.
Po ashtu është konsultuar prokurori i shtetit i cili rekomandon që pas intervistimit i dyshuari të dërgohet në mbajtje për 48 orë.