Gjakovë - Burrë e grua arrestohen, kapen me armë
19.5.2020 - 12:36
Një grua dhe një burrë janë arrestuar dje në Gjakovë, pasi janë kapur me armë.
Në shtëpinë e tyre ata po mbanin armë pa leje.
Një pistoletë me një karikator, 138 fishekë të kalibrave të ndryshëm, 7 krehër për fishekë, 87 gëzhoja të kalibrave të ndryshëm dhe këllëf i armës, ka konfiskuar Policia në shtëpinë e tyre, thuhet në raportin e Policisë.
Pas intervistimit me vendim të prokurorit, burri është dërguar në mbajtje, ndërsa e dyshuara është liruar me procedurë të rregullt.