Gjakovë, arrestohet i dyshuari për tentim vrasje me armë zjarri
17.3.2021 - 09:52
Një i dyshuar është arrestuar në Gjakovë pasiqë i njëjti ka shtënë me armë zjarri në drejtim të zyrës së një personi.
Sipas Policisë, rasti kishte ndodhur për shkak të një mosmarrëveshje-fjalosje mes tyre.
Nuk raportohet për të lënduar. Ndërsa me urdhër të prokurorit, njësitet policore kanë bërë bastisjen e shtëpisë dhe objekteve përcjellëse të dyshuarit, por nuk kanë arritur të gjejnë armën e cila dyshohet të jetë përdorur.
I dyshuari pas intervistimit me urdhër të prokurorit, është dërguar në mbajtje.
Rasti vazhdon të hetohet.