Një fshat në Kosovë pas luftës. Foto: Flickr/ Marietta Amarcord.
'Gjakova 98-99' dorëzon padi për krimet e luftës
12.3.2020 - 07:38
Përfaqësuesit nga Shoqata për Krime Lufte “Gjakova 98-99” sot nga ora 10:00 do të dorëzojnë kontingjentin e 14-të të padive kundër kriminelëve serb.
Siç njoftohet janë 100 padi të ngritura nga qytetarët e Komunës së Gjakovës dhe të Rahovecit.
Këto padi do të dorëzohen në Policinë e Kosovës- Departamenti i Krimeve të Luftës.
Kësaj radhe do të dorëzohen shtesë dosje:
- Dosjet lidhur me krimet e datës 7, 8, 9, 10 maj 1999, ku janë të ekzekutuar dhe masakruar 97 persona, si dhe të arrestuar gjatë kësaj periudhe, një numër i madh i qytetarëve të Komunës së Gjakovës (247), ku më pas disa janë liruar dhe të tjerët janë mbajtur peng, në këtë dosje do të dorëzohen edhe formularët e përgatitur të personave të vrarë në Burgun e Dubravës.
- Dosja e 112 fëmijëve të vrarë në Komunën e Gjakovës gjatë periudhës 1998-1999. 3. Dosja e kriminelëve pjesëmarrës të datë 7, 8, 9 dhe 10 Maj 1999 dhe atyre që kishin bartur kufomat duke i varrosur dhe zhvarrosur me urdhrat e urdhërdhënësve kriminal serbe.