Gara të shpejtësisë në Ferizaj, nga 500 euro gjobë dhe 1 vit heqje e patentë shoferit për të dy shoferët

Policia e Kosovës ka njoftuar se më 31.07.2024, rreth orës 02:20, në rrugën “Driton Islami” në Ferizaj, ka ndaluar dy shoferë të cilët me veturat e tyre po bënin gara të shpejtësisë.

Policia tha se shoferët A.J. 21-vjeçar, banues në Kosovë dhe B.S., 24-vjeçar, banues në Zvicër, kanë rrezikuar veten dhe pjesëmarrësit e tjerë në komunikacionin rrugor.

Sipas Policisë, atyre iu shqiptua gjobë për kundërvajtje sipas Ligjit të komunikacionit rrugor.

Policia tha se ka gjobitur me nga 500 euro dhe me heqje të patentë shoferit për 1 vit të dy shoferëve, kurse njëri u ndëshkua edhe me 5 pikë negative.

Policia Rajonale e Ferizajt u bëri thirrje shoferëve të automjeteve që të respektojnë shenjat dhe rregullat e komunikacionit.