Ganimete Musliu, deputetes së VV-së: Fitore mbylle gojën kur flas unë
Në seancën për rishikimin e buxhetit e cila po vazhdon të mbahet në Kuvendin e Kosovës gjatë kohës sa deputetja e Kuvendit të Kosovës nga radhët e PDK-së, Ganimete Musliu po mbante fjalimin e saj, i tha deputetes së VV-së, Fitore Pacollit që ta mbyllë gojën.
“Fitore mbylle gojën kur të flas unë”, tha Musliu.
Kjo ndodhi pasi që gjatë fjalimit të Musliut, Pacolli ndërhyri duke i thënë diçka.
“Po e përsëris, Fitore mbylle gojën”.
I menjëhershëm ishte reagimi i kryetaresë së Kuvendit, Vjosa Osmani e cila i tërhoqi vërejtje Musliut për gjuhën e saj.
“Kolege keni kujdes me gjuhën që përdorni. Po ta tërheq vërejtjen pasi që gjatë gjithë kohës kur kanë folur deputetët e tjerë ju keni ndërhyrë”, u shrehë Osmani.
Ganimete Musliu i ka replikuar Osmanit duke i thënë se “edhe unë po e përsëri , kur flas unë ajo do të dëgjojë deri në fund, ajo nuk ma cakton të drejtën e fjalës”.