Gafa e Lutfi Hazirit: E bën të vdekur njeriun e gabuar
Kryetari i Komunës së Gjilanit, Lutfi Haziri, ka bërë një gafë të rëndë sonte.
Duke u ngutur për të dhënë lajmin për një person që ka vdekur sonte nga coronavirusi, kryetari i Gjilanit ka publikuar një njoftim në profilin e tij në Facebook për vdekjen e një qytetari nga komuna e Gjilanit.
Pak minuta më vonë, Instituti Kombëtar i Shëndetësisë Publike ka publikuar njoftimin për vdekjen e një personi nga COVID-19.
Por, personi për të cilin njoftoi IKShPK nuk përputhej me të dhënat e publikuara nga Lutfi Haziri.
Haziri në këtë postim ka shprehur keqardhje për vdekjen e një personi, duke ia përmendur edhe emrin e mbiemrin, si dhe moshën.
Por, postimin e ka fshirë pak minuta më pas, pas publikimit të informacionit nga IKSHPK.
Ky grant është mundësuar nga ‘Programi i shoqërisë civile për Shqipërinë dhe Kosovën’, financuar nga Ministria e Punëve të Jashtme të Norvegjisë dhe menaxhuar nga Fondacioni Kosovar për Shoqëri Civile (KCSF) në partneritet me Partnerët Shqipëri për Ndryshim dhe Zhvillim (PA). Përmbajtja dhe rekomandimet e paraqitura nuk përfaqësojnë qëndrimin zyrtar të Ministrisë së Punëve të Jashtme të Norvegjisë dhe Fondacionit Kosovar për Shoqëri Civile (KCSF).
