Vendi ku po ndërtohet shkolla e kontestuar në Lagjen 300 në Fushë Kosovë. Foto: Kallxo.com
Fushë Kosovë, pronarët e lokaleve shkelin vendimet kundër coronavirusit
Tri raste të ndara janë raportuar në Policinë e Kosovës, ku pronarët i kanë hapur lokalet e tyre në Fushë Kosovë, ndonëse me vendim të Qeverisë kjo është e ndaluar, për shkak të rrezikut nga shpërndarja e coronavirusit.
Një ditë më parë, në rrugën “Nëna Terezë” në Fushë Kosovë, është arrestuar një person i cili nuk kishte zbatuar vendimin për mbyllje të lokaleve.
Rasti ka ndodhur rreth orës 13:50.
Sipas policisë, i dyshuari është hasur në kafiterinë e tij, duke punuar ndërsa në lokalin e tij kishin qenë edhe disa persona, për të cilin rast janë njoftuar edhe inspektorët komunal.
I dyshuari pas intervistimit, me urdhër të prokurorit është liruar në procedurë të rregullt.
Kurse, mbrëmë rreth orës 21:30 në një tjetër vend, policia bën të ditur se i dyshuari është hasur duke punuar në lokalin e tij, duke mos respektuar vendimet e marra lidhur me përhapjen e pandemisë.
Me vendim të prokurorit rasti mbetet në procedurë të rregullt.
Edhe në një rast tjetër, mbrëmë në Fushë Kosovë është raportuar se i dyshuari është hasur duke punuar në lokalin e tij.
Me vendim të prokurorit rasti mbetet në procedurë të rregullt.
Qeveria e Kosovës, ditë më parë ka marrë vendim që të mbyll të gjitha bizneset, përveç marketeve dhe barnatoreve për shkak të parandalimit të përhapjes së coronavirusit.
Ndër to edhe vendimin për ndalimin e qarkullimit të qytetarëve dhe automjeteve nga ora 10:00 deri në ora 16:00 pasdite, si dhe nga ora 20:00 në mbrëmje deri në ora 06:00 në mëngjes, gjithashtu ndaohet qarkullimi jashtë shtëpive.