Fushë Kosovë, një grua raporton kolegun për dhunim

Një grua ka raportuar në Policinë e Kosovës në Fushë Kosovë, se derisa ishte në veturë me kolegun e saj, i njejti gjatë gjithë kohës kishte pirë duhan duke i hedhur tymin në fytyrën e  saj, ku viktima dyshon se kishte qenë narkotikë dhe nuk kishte më në dijeni se çfarë kishte ndodhur.

Sipas Policisë, viktima dyshon se ishte dhunuar pasi që i dyshuari më pastaj e kishte kanosur dhe për këtë arsye, sipas Policisë, nuk e kishte raportuar rastin.

I dyshuari është intervistuar dhe me vendim të prokurorit është liruar në procedurë të rregullt.

Ngjarja dyshohet se ka ndodhur në gusht të vitit 2022, ndërsa viktima e ka raportuar rastin më 17 mars 2023.