FSK realizon me sukses marshimin për në Gjeravicë

Pjesëtarët e Kompanisë së Taksë Forcës të FSK-së kanë realizuar me sukses marshimin „Gjeravica 2019“.

“Pjesëtarët e Kompanisë së Taksë Forcës së Kërkim-Shpëtimit të Regjimentit të Mbrojtjes Civile (RMC) të Forcës së Sigurisë të Kosovës, në bazë të Planit të trajnimeve dhe aktiviteteve për vitin 2019, kanë realizuar marshimin kondicional „Gjeravica 2019“ mbi 15 km të gjatë”, është bërë e ditur në një njoftim për media.

Tutje FSK thotë se marshimi i njësisë së forcës operative u realizua në kushte jo të mira atmosferike, në një lartësi mbidetare prej 2656 metrash, nga „Bjeshkët e Junikut“ deri në majën e malit „Gjeravica“.

“Marshimi kishte për qëllimi përgatitjen fizike të pjesëtarëve të FSK-së në përballje me sfidat. Të gjithë pjesëtarët e kësaj kompanie arritën që me sukses të realizojnë këtë marshim mjaft sfidues”, thuhet në njoftim.