FSK e gatshme për garën ‘Cambrian Patrol 2024’

Forca e Sigurisë së Kosovës do të marrë pjesë në garën “Cambrian Patrol 2024”, që realizohet çdo vit në Mbretërinë e Bashkuar.

FSK-ja përmes një njoftimi, ka bërë të ditur që janë të gatshëm të marrin pjesë në garë.

“Në kuadër të përgatitjeve për pjesëmarrje në garën “Cambrian Patrol 2024”, skuadra e Forcës së Sigurisë së Kosovës dhe një skuadër nga Forcat e Armatosura të Republikës së Shqipërisë kanë realizuar ushtrimin fushor “Camprep24”, ku skuadrat u testuan kaluan sfidat e ngjashme që do të jenë gjatë realizimit të garës” – thuhet në njoftim.

Në këtë njoftim, FSK-ja tha se skuadrat treguan disiplinë, motiv e përkushtim të lartë, duke bërë më të mirën për të përfaqësuar vendet tona në garën më të madhe të ushtrive të botës siç është gara “Cambrian Patrol”.

Në vitin 2023, në garën vjetore “Cambrian Patrol” ushtarët e FSK-së fituan medalje bronzi.