Fshirja e adresave të shqiptarëve në Luginë të Preshevës, Viola von Cramon e quan të papranueshëm
Euro deputetja dhe raportuesja për Kosovën për Parlamentin Evropian Viola von Cramon ka reaguar lidhur me fshirjen e adresave të shumë shqiptarëve të luginës së Preshevës, gjë që u pamundësoi atyre votimin në zgjedhjet serbe të 3 prillit.
Cramon përmes rrjetit Twitter u shpreh se kjo gjë është e papranueshme dhe se do vazhdojë të përcjellë këtë situatë.
“Shkelje të të drejtave themelore janë raportuar në luginën e Preshevës, jemi seriozisht të shqetësuar për ankesat e shqiptarëve të cilëve iu është mohuar të votojnë që kur janë fshirë nga regjistri civil në vendbanimin e tyre, gjë që është e papranueshme dhe do të vazhdojë ta përcjellë më tej këtë” , është shprehur Cramon.
⛔️Fundamental rights issues were reported in the #Preševo valley as we are seriously concerned about the complaints of ethnic Albanians who were denied to vote since deleted from the civil registry at the place of their residence, which is unacceptable & will follow-up on this!
— Viola von Cramon (@ViolavonCramon) April 5, 2022
Cramon ka komentuar postimin e një qytetareje nga Lugina e Preshevës e cila kishte njoftuar për fshirjen e adresave dhe e kishte larguar nga lista e votuesve.
Cramon ka kërkuar që këto raste t’i adresojë tek misionet e mbikëqyrjes së procesit zgjedhor dhe Parlamenti Evropian.
“Ju lutemi sigurohuni që këto raste të mbulohen mjaftueshëm në raportin preliminar të misionit mbikëqyrës zgjedhor, por veçanërisht në Deklaratën e PE-së”, ka shkruar më tej raportuesja për Kosovën.
Von Cramon theksoi se edhe pse u demonstrua zhvillim pozitiv në numrin e lartë të votueseve, zgjedhjet në Serbi nuk ishin as të lira e as të drejta.
Shqiptarët e Serbisë kanë frikë se fuqia e votës do u minohet sistematikisht (kallxo.com)
