Franca zgjat deri më 30 tetor ndalesën për tubime të mbi 5 mijë personave
11.8.2020 - 21:14
Autoritetet franceze e kanë zgjatur deri më 30 tetor ndalesën për tubime të mbi 5.000 personave.
Kryeministri Jean Castex këtë vendim e ka arsyetuar me faktin se situata epidemike në Francë është përkeqësuar, njofton Le Figaro që përcjell lajmin e agjencisë AFP.
Kjo masë përfshin koncertet, festivalet, ngjarjet sportive dhe tubimet e tjera.
Kryeministri megjithatë ka shtuar se prefektët e kanë mundësinë e shmangies së këtij vendimi me verifikimin e respektimit rigoroz të udhëzimeve shëndetësore.