Franca fton ambasadorin pasi Erdogan ofendoi Macronin

Franca ka ftuar ambasadorin nga Turqia për konsultime pasi presidenti turk, Rexhep Tajip Erdogan fyeu homologun e tij francez, Emmanuel Macron.

Ai tha se Macron kishte nevojë për një kontroll të shëndetit mendor për zotimin për të mbrojtur vlerat laike dhe për të luftuar Islamin radikal.

Macron ka folur me forcë për këto çështje pasi një mësues u vra për shfaqjen e karikaturave të Profetit Muhamed në klasë.

Franca “nuk do të heqë dorë nga karikaturat tona”, tha ai në fillim të kësaj jave.

Paraqitjet e Profetit Muhamed mund të shkaktojnë ofendime serioze për myslimanët sepse tradita islamike ndalon qartë imazhet e Muhamedit dhe Allahut (Zotit).

Por sekularizmi shtetëror është thelbësore për identitetin kombëtar të Francës.

Frenimi i lirisë së shprehjes për të mbrojtur ndjenjat e një komuniteti të veçantë, thotë shteti, minon unitetin e vendit. “Çfarë mund të thuhet për një kryetar shteti i cili trajton miliona anëtarë nga besime të ndryshme në këtë mënyrë: së pari, bëj kontrolla mendore”, ka thënë Erdogani.

“Çfarë problemi ka individi i quajtur Macron me islamin dhe myslimanët? Macronit i duhet trajtim mental”, ka shtuar ai.

Ndërkaq, zyra e Macronit në reagim të ashpër ka thënë se komentet e presidentit turk janë të papranueshme./21Media