Fotografitë e të dyshuarve që e lanë 18 vjeçaren e vdekur para spitalit në Ferizaj janë shpërndarë në pika kufitare

Kryeprokurori i Prokurorisë në Ferizaj, Shukri Jashari për KALLXO.com ka konfirmuar se Policia ka arritur t`i marrë nga pamjet e kamerave të sigurisë, fotografitë e dy të dyshuarve që e dërguan në emergjencë një 18 vjeçare në Ferizaj.

Sipas Jasharit, fotografitë e dy të dyshuarve që u larguan nga vendi i ngjarjes me veturë me tabela nga Zvicra janë shpërndarë në pika kufitare dhe nëpër drejtori të policisë.

“Fotografitë e të dyshuarve janë nxjerrë prej kamerave të sigurisë të spitalit, ende nuk dihet kush janë ata persona, mirëpo fotografitë e tyre janë nxjerrë dhe janë shpërndarë në të gjitha pikat kufitare dhe të gjitha drejtoritë të policisë së Kosovës”, tha ai.

Një 18 vjeçare pa shenja jete është dërguar në qendrën emergjente ne Ferizaj sot, personat që e kanë sjellë viktimën janë larguar nga vendi i ngjarjes.

Prokurori ka konfirmuar se të dyshuarit kanë vozitur veturë të tipit ‘Audi’ me targa nga Zvicra.

Policia ende nuk ka arritur të identifikoj viktimën dhe të dyshuarit.

Kryeprokurori i Ferizajt: 20 vjeçaren pa shenja jete e sollën dy persona, vetura me targa zvicerane

Persona të panjohur dyshohet se kanë dërguar pa shenja jete një 20 vjeçare në spitalin e Ferizajt