Fotografi të papara të Rambujesë, vijnë nesër në Bibliotekën Kombëtare

Fotografi Asllan Krasniqi hap nesër në Bibliotekën Kombëtare të Kosovës, “Pjetër Bogdani” në Prishtinë, ekspozitën “Kujtesa e Kosovës: Rambouillet”.

Ekspozita hapet me rastin e përvjetorit të 13-të të Pavarësisë së Republikës së Kosovës, ndërsa do të ekspozohen fotografi të pa botuara më parë.

Fotografi Asllan Krasniqi ka thënë për Kallxo.com se ekspozita ofron pamjet e ngjarjeve nga Konferenca e Rambujesë.

“Është fjala për fotografitë e mbledhjeve në Rambuje dhe Paris, që janë bërë nga delegacioni ynë dhe të huajt gjatë Rambujesë në vitin 1999”, ka thënë Krasniqi.

Ekspozita hapet në nesër në Hollin e Bibliotekës Kombëtare në orën 11:00.