FOTO- Viti akademik nis në fakultetet që po renovohen
02.10.2019 - 10:04
Në Universitetin e Prishtinës po bëhen renovime në objektet e fakulteteve.
Përderisa pritet që studentët e rinj do të fillojnë studimet, Fakulteti Filologjik dhe ai i Shkencave Natyrore janë ende në renovime.
Studentët që deshën të mbesin anonim u shprehën të pakënaqur për gjendjen në të cilën ndodhet fakulteti.
Këto renovime filluan në muajin shtator. Ndërsa dëme në fakultet u shkaktuan gjatë muajit korrik si pasojë e reshjeve të shiut.
Megjithatë, dekanati i Fakultetit Filologjik nuk ka kthyer përgjigje se pse renovimet po vazhdojnë në këtë kohë dhe kur pritet të përfundojnë.