FOTO – Punimet për funksionalizimin e Postës së Kosovës në sheshin ‘Car Lazar’ në Mitrovicë të Veriut
Në sheshin ‘Car Llazar’ në Mitrovicë të Veriut pritet të hapet nesër (27.08.2024) dega e Postës së Kosovës.
Ekipi i KALLXO.com ka sjell fotografi nga vendi i ngjarjes ku shihet se është duke u punuar në këtë lokal.
Ky lokal gjendet afër me lokalin “Missini Sweets” që po ashtu pritet të hapet së shpejti.
Një market është hapur sot, më 26.08.2024 në Mitrovicë të Veriut, pronari i të cilit është shqiptarë.
Lokacioni i marketit “Meridian” është përballë përmendores së Car Llazarit, në afërsi të sheshit me po të njëjtin emër.
KALLXO.com raportoi sot se thirrjet për bojkot ndaj bizneseve me pronarë shqiptarë në veri po vazhdojnë ende.
Në një grup në gjuhën serbe në rrjetin social “Telegram” sot gjatë ditës pati disa postime me rastin e hapjes së marketit “Meridian” në afërsi të sheshit “Car Lazar” në Mitrovicë të Veriut.
