FOTO - Policia fillon zbatimin e masave të Qeverisë, ndalon veturat në hyrje të Prishtinës

Policia e Kosovës ka filluar të respektoj masat e vendosura nga Qeveria e Kosovës, të cilat kanë hyrë në fuqi so tnë orën 18:00.

Policia ka vendosur pika kontrollit në hyrje daljet e Prishtinës për të ndaluar qytetarët të cilat nuk kanë të drejtë të hyjnë në Prishtinë, pasi që kjo komuna është në zonë të kuqe.

Një qytetar ka dërguat fotografi në redaksinë e KALLXO.com ku shihet policia në rrethrrotullimin e njohur “Te Ismeti”, të cilët ndalojnë veturat për të hyrë në Prishtinë.

Në bazë të masave të reja të vendosura nga Qeveria e Kosovës, në zonën e kuqe bëjnë pjesë komunat me rrezik të lartë, me mbi 151 të infektuar në 100.000 banorë brenda javës dhe janë 9 komuna si: Komuna e Prishtinës, Fushë -Kosovës, Gjilanit, Obiliqit, Gjakovës, Shtimes, Podujevës dhe Pejës dhe Ferizaj.

Masat  të cilat vlejnë për komunat me rrezik të lartë të përhapjes së infeksionit janë: Ndalohet lëvizja e qytetarëve jashtë shtëpive/banesave të tyre pas orës 19:00 e deri në orën 05:00, përveç për nevoja emergjente dhe shëndetësore, duke përjashtuar nga kjo masë personelit shëndetësor, të sigurisë, drejtësisë dhe të ngjashme; Ndalohen hyrje-daljet e qytetarëve dhe automjeteve në territorin e komunës përkatëse nga ora 19:00 deri në orën 05:00, përveç: Personelit shëndetësor, personelit të sigurisë, drejtësisë dhe studentëve; Qytetarëve për nevoja emergjente; Operatorëve që kryejnë punë publike; Ndalohet veprimtaria e gastronomisë nga ora 19:00 deri në orën 05:00; Institucionet publike dhe private punojnë vetëm me stafin esencial, i cili staf përcaktohet me vendim të secilit institucion në veçanti; Transporti publik lejohet të punojë me 50% të kapaciteteve, duke respektuar “Manualin për mbrojtjen nga përhapja e Covid-19”;

Sipas këtyre masave,  taksitë lejohen të punojnë me vetëm një (1) pasagjer prapa ose tre (3) nëse janë anëtarë të familjes; Lejohen pjesërisht aktivitetet kulturore të institucioneve vartëse të MKRS dhe komunave (teatrot, bibliotekat, filarmonia, galeritë, ansamblet, baleti, kinematë, qendrat rinore, muzetë, qendrat e kulturës me grupe dhe të ngjashme), duke shfrytëzuar vetëm 30% të hapësirës/sipërfaqeve të objekteve përkatëse për të gjitha aktivitet (si në shfaqje ashtu edhe në ushtrime), duke respektuar “Manualin për mbrojtjen nga përhapja e COVID-19”;

Lejohen aktivitetet sportive në hapësira të mbyllura dhe të hapura; stërvitjet dhe garat mund të organizohen në sportet individuale; gjatë stërvitjeve në hapësirat e mbyllura mund të marrin pjesë deri në 20 persona, ndërsa gjatë garave mund të marrin pjesë deri në 50 persona bazuar në protokolle dhe udhëzime vendore dhe ndërkombëtare sportive, si dhe duke u bazuar në “Manualin për mbrojtjen nga përhapja e COVID-19”;

Lejohen fitneset dhe pishinat e mbyllura për aktivitete individuale rekreative duke shfrytëzuar vetëm 40% të hapësirave/sipërfaqeve, duke respektuar “Manualin për mbrojtjen nga përhapja e COVID-19”.