FOTO - Deputetja e PDK-së e shpallë ‘në kërkim’ ministrin Agim Veliu
Deputetja e Kuvendit të Kosovës nga radhët e PDK-së, Ganimete Musliu e ka shpallur “në kërkim” ministrin e Punëve të Brendshme dhe Administratës Publike, Agim Veliu.
Kjo pasi, ministri për të dytën herë nuk u paraqit në Kuvend për interpelancë.
Deputetja Musliu e ka vendosur një fotografi të Veliut në të cilën gjendet mbishkrimi “Wanted”.
Lidhur me këtë veprim ajo e ka bërë një publikimin në profilin e saj në Facebook.
“Kërkohet Ministëri i Ministrisë së Punëve të Brendshme dhe Administratës Publike Agim Veliu! Lusim qytetarët që nëse e takojnë këtë person ti tregojnë se e ka obligim ligjor të vij të raportoj në Kuvend”, thuhet në publikimin e saj.
Kërkohet Ministëri i Ministrisë së Punëve të Brendshme dhe Administratës Publike
Agim Veliu!
Lusim qytetarët që nëse e takojnë këtë përson ti tregojnë se e ka obligim ligjor të vij të raportoj në Kuvend.Posted by Ganimete Musliu on Friday, November 27, 2020
Veliu ishte thirrur në interpelancë, sipas kërkesës së deputetes Fatmire Kollçaku, mbështetur edhe nga 5 deputetë të tjerë, në lidhje me shmangien për të raportuar në Komisionin për Çështje të Sigurisë dhe Mbrojtjes.